ನನ್ನ ಇನಿಯನ ಪ್ರೀತಿ

ಇನಿಯಾ
ನಿನಗಾಗಿ ಕಂಡಿದ್ದೆ,
ನಾ ನನ್ನ ಕಣ್ಣಂಚಿನಲಿ
ನೂರೊಂದು ಸಿಹಿಕನಸುಗಳು.
ಅವುಗಳು
ಪ್ರತಿಕ್ಷಣಕೂ ನನ್ನ
ಕೆನ್ನೆಕೆಂಪನು ಇನ್ನೂ
ಹೆಚ್ಚಿಸಲು ಕಾಡುವ ನೆನಪುಗಳು.


ಯಾವ
ಜನುಮದ ಪುಣ್ಯವೋ,
ಏನೋ, ನಾ ಕಾಣೆ
ನಿನ್ನ ಪ್ರೀತಿಯ ನಾ ಪಡೆಯಲು.
ಭಾವುಕಳಾದೆ
ನಾನು, ಕಣ್ಣಂಚಿನಲಿ
ಹನಿಗಳು ತುಂಬಿಕೊಂಡೆ,
ಕಂಡಾಗ ನಿನ್ನ ಪ್ರೀತಿಯ ಹೊನಲು.


ಜಗವನ್ನೆಲ್ಲಾ
ಮರೆತು, ನನ್ನೆಲ್ಲಾ
ನೋವುಗಳ ಮರೆತು
ಪ್ರತಿಕ್ಷಣವನೂ ಮೀಸಲಿಡುವೆ ನಿನಗಾಗಿ
ತಿಳಿಮುಗಿಲಿನಂತೆ,
ಹರಿವ ನದಿಯಂತೆ,
ಮಕರಂದಕ್ಕಿಂತಲೂ ಚೆಂದ
ನೀ ತೋರುವ ಪ್ರೀತಿ... ನನಗಾಗಿ.